Asarning bosh qahramoni – Hoshimjon mehnatsiz va ilmsiz ham istagan narsaga erishish, hurmat, obro‘ qozonish mumkin deb o‘ylaydi va buni amalda isbotlash uchun sehrli qalpoqcha bilan safarga chiqadi. Lekin sehrli qalpoqcha muhayyo etgan imkoniyatlar har safar kutilmagan ko‘ngilsiz oqibatlarga olib kelaveradi va Hoshimjon hech narsaga erisha olmaydi. Bu asarda maqsadga eltadigan yo‘l halol mehnat, yaxshi xulq-odob va qunt bilan o‘qish ekanligi koʻrsatiladi.