“Shohnoma” – Oʻrta Osiyo va Eron xalqlarining milliy iftixori oʻsib kelayotgan davrda yaratildi. Ushbu asarni koʻp shoir va adabiyotshunoslar badiiy fikr xazinasi, yangi-yangi badiiy asarlarning vujudga kelishida ummondek tubsiz manba deb hisoblaydilar. Mazkur doston mukammal tartibga solingan boʻlib, kompozitsiyasi ham juda puxta. Firdavsiy oʻzining bu ulkan asarida juda koʻp falsafiy gʻoyalar, ijtimoiy masalalarni ilgari suradi, ajoyib xarakterlarni yaratadi, peyzajlar chizadi. Jang sahnalarini tasvirlaydi.