Soʻnmas chaqmoqlar

Hakim Nazir qalamiga mansub “Soʻnmas chaqmoqlar” qissasida qishloq bolalarining sodda, begʻubor shoʻxliklari aks etadi. Yozuvchi asarda choʻllarni obodonlashtirib, paxta dalasida yosh-u qari birdek jonbozlik koʻrsatib,oʻz mehnatlari orqasidan olqishlar olgan qishloq odamlari hayotini tasvirlaydi. Oʻsmir yoshidagi bolalarning yozgi taʼtildagi ajib sarguzashtlari bilan boyitilgan qissa yosh kitobxonlarni yanada oʻziga jalb qiladi. Toʻgʻrisoʻzlik, mehnatkashlik, mehribonlik, olijanoblik kabi sof tuygʻular asar qahramonlari hayotida aks etadi.