“Somon yoʻli” qissasining bosh qahramoni Toʻlgʻanoy hayotning juda ogʻir mashaqqatlarini boshidan oʻtkazgan. Dahshatli urush eridan, uch oʻgʻlidan judo qilgan. Biroq, bu yetmagandek, taqdir uning boshiga yana bir kulfat soladi. Farzandi oʻrniga farzandday boʻlib qolgan kelini Aliman hayotdan bevaqt koʻz yumadi, biroq yozuvchi tasavvuricha, qismat batamom beshafqat boʻlishi mumkin emas. Chunki hayot shunday. Kelinidan Toʻlgʻanoyga yodgor boʻlib nabira qoladi. Bu nabira – uning hayotining davomi.