Odamzot hayotida shunday pallalar bo‘ladiki, baʼzida ularni hech qachon unutging kelmaydi, baʼzida esa tushingda kechirgandek unutishni xohlaysan. Ammo bunday vaqtlar hayotingda qanday iz qoldirganidan qatʼiy nazar, baribir qalbingning bir bo‘lagi hamisha o‘sha xotiralar bilan band bo‘lib qolaveradi... Noyob isteʼdod sohibi O‘tkir Hoshimovning “Tushda kechgan umrlar” asarini o‘qigan kitobxon qalbidan ham shunday o‘ylar kechadi. Romanda keltirilgan voqealar qamrovi juda keng: 30-yillarning mashʼum “qatag‘on” qilish manzaralari, 80-yillardagi ko‘pchilikning yostig‘ini quritgan Afg‘oniston urushi lavhalari, shu yillarda sodir bo‘lgan “o‘zbek ishi”... Insonlar hayotida sodir bo‘ladigan bu uchta yirik, juda katta hajmli voqealarni bir-biri bilan bog‘lashda yozuvchi mahoratiga tan bermaslikning iloji yo‘q. Voqealar yoki qahramonlar haqida gapirib o‘tmoqchi emasmiz. Yaxshisi, o‘zingizni mutolaaga chorlaymiz.

“Sanʼat gulshani” ovoz yozish studiyasi tomonidan tayyorlangan.