Insoniyat tarixi nima uchun asrlar davomida notekis rivojlanib keldi? Nima uchun ba’zi jamiyatlar barqaror va farovon bo‘lsa, boshqalari doimiy zo‘ravonlik va iqtisodiy qoloqlik botqog‘ida qolmoqda? Nobel mukofoti laureati Duglas Nort va uning hammualliflari Jon Uollis hamda Barri Vayngast o‘zlarining ushbu fundamental asarida tarixiy taraqqiyotni yangi nazariy qarash bilan tushuntirib berishadi. Mualliflar jamiyatning rivojlanishini nafaqat iqtisodiy ko‘rsatkichlar, balki “zo‘ravonlikni boshqarish” qobiliyati orqali baholaydilar.